Ordena eta KonMari metodoarekiko interesa, zalantzarik gabe, aurretik izan nituen esperientzia eta formakuntzek baldintzatu dute. Horien artean garrantzitsuena Arno Stern-ek Hezkuntza Sortzaile gisa izendatu zuena da, eta horren barruan, jolasaren kontzeptua sakonki ulertzeko duten modua.

Ordenatzea beti izan da jolas bat niretzat, baina ez nintzen hortaz ohartu Hezkuntza Sortzaileko formakuntzan Miguel Castro, Vega Martin eta beste hainbat pertsona ezagutu nituen arte. Ordura arte nire berezitasun, mania edo ohitura gisa ikusten nuen, baina sakonagoa zela konturatzea zirraragarria eta askatzailea izan zen. Urte batzuk geroago, Marie Kondoren Ordenaren magia liburua topatu nuen, eta hori beste barne-iraultza txiki bat izan zen.

Bide horretan, ordenaren jolasa eta babestutako espazioak zein errespetuzko harremanak sortzeko beharra inflexio puntu garrantzitsuak izan dira niretzat. Bidelaguntzen dudan guneetan modelo, alderaketa edo epairik gabeko espazioak sortzen ditut, modu horretan bakarrik adieraz dezakeelako bakoitzak bere benetako nortasuna eta bere garapenean muga guztiak gainditu.