Entzun al duzu moda lasterraz? Moda lasterrak edo fast fashion-ek oso gutxi irauten duten moda berrien kontsumismoa bultzatzen du. Ingurumenaren kontrako ekintza bat da.
Ingurumenarekin lankidetzan aritu nahi badugu, garrantzitsua da moda iraunkorra hartzea.
Dagoeneko zaborrik gabeko bizimodu baten bidean bazaude edo zure armairuarekin hasi nahi baduzu, gida honek hasteko jakin beharreko guztia emango dizu.
Zero zabor armairua. Zer da eta nola sortu?
Zero zabor armairu batek zabortegira hondakinik ez bidaltzea du azken helburua. Batzuetan, gaur egungo munduan urrun dagoela iruditu daiteke; beraz, garrantzitsua da urratsetan eta aldaketetan zentratzea.
Funtsean, zaborrik gabeko armairu bat sortzeko, ikuspegia aldatu behar dugu, eta arropari ahalik eta gehiena eusten ikasi behar dugu.
Garrantzitsua da hornikuntza kate osoa ere kontuan hartzea, erabiltzen dugun arroparen heren batek baino gehiagok hondakin gisa bukatzen baitu.
Zero zabor armairuaren beste alde garrantzitsu bat da modu naturalean degradatzen diren ehun naturalak erabiltzea (zabortegira bota behar badira arriskurik gabe botatzeko), edo bestela material birziklatuak erabiltzea.
Orain, kontatuko dizkizut bost aholku zure armairu iraunkorra hasteko:
# 1 Konpondu arropa gastatuta edo urratuta dagoenean
Jantzi bat urratzen denean, ez bota. Horren ordez, konpondu. Ikasi zulo txikiak josten eta antzeko konponketa txikiak egiten. Konponketa edo aldaketa konplexuagoetarako, eraman jantzia espezialista batengana.
# 2 Saihestu ehun sintetikoak
Ehun sintetikoak plastikoz eginak dira; hau da, plastikozko hondakinak sortzen dituzte ezabatzen direnean, eta garbitzean plastikozko partikula mikroskopikoak ere isurtzen dituzte hondakin uretara.
Saihestu horrelako ehunak, eta aukeratu ehun naturalak edo material birziklatuekin eginda daudenak.
# 3 Erosi bigarren eskukoa
Batik bat aurrekontu txikia baduzu edo oso maiz jantziko ez duzula dakizun arropa jakin bat behar baduzu.
Bigarren eskuko denda fisikoez gain, sarean aukera ugari ere badaude gaur egun; beraz, begiratu Iragarki Laburrak webgunean ia zure gustuko arropak topatzen dituzun.
#4 Janzten ez dituzun arropak berriz saldu, eman edo berrerabili
Zure armairua ziurrenik ez da zero zabor erakoa oraintxe bertan, eta horrek esan nahi du seguruenik une bat iritsiko zaizula moda lasterreko arropa mordoa kenduko duzunekoa, bai gustuko ez dituzulako eta bai gehiago erabiltzen ez dituzulako. Oso garrantzitsua da horiek arduraz deuseztatzea.
Zuzenean saltzea da onena, arropa beste norbaitek jantziko duela bermatzen baitu. Dohaintzan ematea ere aukera ona da, baina errealitate tristea da dohaintzan emandako arropa guztiak ez baitira berrerabiltzen; saltzen jar dezakete edo birziklatzera eta zabortegira eraman dezakete. Azkenik, beste erabilera bat ere aurki diezaiokezu, hala nola alkandora zahar bat trapuetarako erabiltzea.
#5 Konpostatu ehun naturalak
Azkenik, ez ahaztu zure konpostan kotoia, lihoa, kalamua eta horrelako ehun naturalak gehi daitezkeela.
Ohorezko aipamena: marka iraunkorren eta zero zabor erakoen laguntza:
Marka askok gero eta kontzientzia handiagoa dute ingurumenean duten eraginaz. Izan ere, marka iraunkor ugari daude zero zabor erakoak izaten ahalegintzen direnak; aukera izanez gero, agian haien alde egingo duzu. Nire gomendioa beti hau da: erosi marka txikiei, eskuz aritzen direnei eta bertakoei.
Sor dezagun elkarrekin zero zabor armairua. Aurreztu dirua, ikasi konpontzen eta sustatu marka iraunkorrak. Gainera, desordena txikiagoa izango duzu, eta hobetzen joango zara zure kapsula armairua.
