Hemen eta online saldu, erosi, trukatu, oparitu... euskaraz!
Ume eta familiei zuzendutako lanak sarituko ditu Durangoko Azokako Bekak
Durango
Ume eta familiei zuzendutako lanak sarituko ditu Durangoko Azokako Bekak
Durangoko Azokaren seigarren Sormen Beka martxan da, euskarazko sorkuntza sustatu, sortzaile berriei bidea erraztu eta euren lana ezagutzera emateko asmoz.
Bekara bideratutako sormen lana jatorrizkoa eta pieza laburrekoa izango da. Ikuskizuna izan daiteke (zirkua, antzerkia, ipuin kontaketa…) edo euskarri bat (mahai jolasa, musika, bideoa…), baita horien arteko nahasketa ere. Proposamena aurkezterakoan sorkuntza lanaz gain, emaitza nola plazaratuko den ere azaldu beharko da.
Sortzaile berriei zuzendutako beka izanik, aurkeztutako proiektua zirkuitu profesionalean egindako lehen edo bigarren lana izan beharko da. Horrez gain, 18 urtetik aurrerakoak aurkez daitezke, banaka zein taldeka.
Bekaren zenbatekoa 15.000 eurokoa izango da, eta irailaren 21ean itxiko da lanak aurkezteko epea, 18:00etan. Proposamenak eta dokumentazio osagarria posta elektronikoz bidaliko dira gerediaga@durangokoazoka.eus helbidera. Honako dokumentazioa helarazi beharko da: eskaera formularioa, sortzailearen edo sortzaileen curriculuma(k), proiektuaren memoria, eta aitortzen dokumentazioa.
Epaimahaiak lauzpabost lan hautatuko ditu eta hauek proiektuaren defentsa egin beharko dute epaimahaiaren aurrean. Datorren Durangoko Azokan jakinaraziko da lan irabazlea zein izan den. Urtebeteko epea izango du irabazleak lana burutu eta 2024ko Durangoko Azokan (59.DA) aurkezteko.
Zalantzarik izanez gero, gerediaga@durangokoazoka.eus helbide elektronikora idazteko eskatu dute antolatzaileek.
Informazio gehiago: https://www.gaztezulo.eus/albisteak/ume-eta-familiei-zuzendutako-lanak-sarituko-ditu-durangoko-azokako-bekak
- Hasiera: 2023-05-09
- Bukaera: 2023-09-21
Partekatu:
Hauek ere interesgarriak izan daitezke
ZEIDFEST sarrerak 5x4
Barakaldo
ZEIDFESTeko 5 sarrera ditut libre. Sarrera arruntak dira, eta bakoitzak 34,50€ balio ditu. Sarrera guztiak 4 sarreraren prezioan uzten ditut, alegia sarrera bat doan.
AgendaKomunikazioa adimen artifizialaren menpe? Nortasuna Sarean jardunaldia
Donostia
2024-03-20
Jardunaldia martxoaren 20an izango da, Donostiako San Telmo museoan, 18:30etik 20:30era. “Komunikazioa Adimen Artifizialaren menpe?” lelopean, Adimen Artifizialak komunikazioan planteatzen dituen aukera eta kontraesanak landu nahi ditugu aurten, 9. edizioa…
AgendaDesio eta indarkeriari buelta bat
Olazti
2023-12-16 // 2023-12-17
🟣BINOMIO. Desioa eta indarkeriari buelta bat. PORNOA.🟣 Sexu indarkeriaren prebentziorako antzerki foruma 🗓️ Abenduak 16 ⏰ 19:00 📍 Olazti (Gaztetxokoan) ✍️ Izen ematea: berdintasuna@sakana-mank.eus
AgendaTrantsizio ekosozialerako bidean
Lazkao
2023-11-29
Gure elikadura proiektuaren muinean dago etorkizuneko ekoizpen ekologiko eta bidezkoagorantz jotzea. Ekoizleekin elkarlanean landutako prozesua eta emaitzak azaldu nahi dizkizugu, inguruan eragin nahi dugun aldaketa burujabe eta jasangarriaren bidean. Topaketa:…
Agenda